مصر - بأقلام القراء / قبل ما نشوف أيام سودة - احمد ابو زهرة

قبل ما نشوف أيام أسود من أيامنا هذه :

المجموعة اللي بتعمل حوالين مرسي مصرة على حذفه والقضاء عليه  

** المجموعه التى تعمل حوالين مرسى مصرة على حدفة و القضاء علية بصورة غريبة و من المفترض ان الرجل يفطن لهذا ..مجموعه قرارت غلط فى وقت غلط ودون ترتيب او تخطيط و الكارثةالكبرى القرار الخاص بأغلاق المحلات الى هيتسبب فى زيادة عدد البطالة بصورة غير مسبوقة فضلا عن الاستفزاز الموجود فى القرار من التفريق بين اصحاب المنشأت السياحية زى الكباريهات مثلا اللى ممكن يفتحوا لحد الصبح و صاحب محل البقالة او المطعم غير السياحي  هيضطر إنه يغلق الساعه 10 مساءاً طبعا أصاحب تلك المحال هتستغنوا  عن عمالة فترة الليل والفرصة الوحيدة ليهم انهم يقدروا يشتغلو فى الكباريهات مثلا ..حاجه تغيظ .

 أبشر الرئيس إن القرار الغبى الذى صدر من مجلس المحافظين لو تم تنفيذة هتكون نتائجة سودة و المرة دى من ناس كتير اغلبهم ملهمش دعوه بالسياسة بل منهم من انتخب مرسى و يعد من محبى الاخوان فتخيل رد فعل هؤلاء واسرهم بعد قطع عيشهم ..و الكلام الفارغ عن ان بعض الدول الاوروبية تطبق الكلام ده فمش كل اوروبا تفضل هذا  احنا مش اوروبا ويوم ما نقلدهم نقلدهم فى المساهمة فى تخفيض نسبة البطالة أو نقلدهم فى الاسثمار فى وسائل الطاقة البديلة ..ياريت الكلام يوصل العقول قبل ما نشوف ايام اسود من ايامناهذه .

                                                                               احمد أبو زهره