يا عدو مصر

ما تسألنيش أنا مسلمة ولا مسيحية .. لأن فى الأصل أنا مصرية.. أبويا محمدين وعمى إسحاق.. وإحنا معاهم قاعدين سوا حوالين الطبلية.. نقسم رغيف العيش وقرص الطعمية.. ونشرب مية النيل من نفس الحنفية.. ومن قطن مصر نلبس البيجامة والجلابية.. وقفطان الشيخ.. وعباية القساوسية.. فماتسألنيش أنا مسلمة ولا مسيحية.. أمى فاطمة.. وخالتى أم ميلاد.. من يوم ولادتى وإحنا طول عمرنا إخوات.. عيدهم عيدنا وكل المناسبات.. وبمنقاش واحد نزين كحك الأعياد.. وإيدينا فى إيد بعض فى كل الأزمات.. وصلواتنا عبادة لله الرحيم رب السموات.. أخويا ميلاد وأختى كريستين.. طول عمرنا مع بعض عايشين.. لقمة العيش والقربان نقسمها سوا وإحنا فرحانين.. وخليك على نارك يا ألد الأعداء.. مش هتقدر تفرق بين الأخلاء!

نجاة فؤاد محمد