اخر الاخبار متحرك

مقال - خدعوك فقالوا . . ؟! - من مذكرات صديق مدمن سابق

خدعوك فقالوا . . ؟!!

التدخين ضار بصحتك   

من مذكرات

صديق مدمن سابق

قاعدين كدة عادى يعنى مع بعض ادام التلفزيون و جه صدفة برنامج واحد من مشايخ الفضائيات لفت سمعنا إنه بيقول على السجاير مش حرام ×_× مش مشكلتنا دلوقتى حرام او حلال المهم إيه اللى حصل كان واحد من اللى قاعدين حريقة سجاير مدمن سجاير يعنى قام هو لواحد اعترض و اتفاجئنا بيه جدا لما قال ردا على الشيخ ده بتاع التلفزيون طب وربنا لنا مبطل السجاير عندا فيك يا أخى ههههههه رد فعل جامد جدا لما الواحد بيفكر فى السيناريو اللى فات ده و بيعدى أدام عينه الموقف من تانى و اللى هو ممكن يكون حصل مع كتير مننا فعلا  لإنسان ربنا خلقه بفطرة سليمة بعقل يقدر يفرق بين الصح و الغلط الحرام و الحلال رغم إن الشاب ده بيحب السجاير و مش قادر إنه يسيبها إلا إنه عارف إنها غلط و ما سمحش لحد إنه يحط فى دماغه سم او معلومة مغلوطة و إعترض قلبه و عقله الحمد لله طبعا على الفطرة السليمة اللى وهبها لكل واحد فينا بس ليه ...؟ ليه ما نقدرش نتغلب على الصفات اللى فينا ليه بنبقى ماشيين ورا الحاجة اللى بتشبع رغباتنا او بنحبها و خلاص من غير ما نفكر إن كانت تناسب عقلنا فكرنا صحتنا انا مش رجل دين عشان افضل اقولك السجاير حرام ليه و الأدلة و الأسباب و ضررها عالجسم و الأولاد و الفلوس و العقل ولا أنا دكتوره اوى يعنى عشان اقولك بتعمل إيه فى فسيولوجيا اجهزة جسمك وكفاية إنها بتسبب مشاكل كتيييييير اوووووووي مع إن كتير من الناس لسـّة مش مقتنعين خلاص لو عندك فرصة تانية ممكن تجرب بالفرصة الاولى و سبب كمان بأة هقولك هتبوظ عيالك هيقلدوك و انت شايل ذنبهم فى رقبتك انت قدوتهم هههههه ما علينا ده غير امراض الرئة و السرطانات و تأثير السجاير عالجنين و تأثيرها على مخ و مزاج الشخص نفسه بحاول اعرف بصراحة سبب واحد نفسى اعرف ليه الشخص بيدخن سألت كذا حد بس فى المجمل كدة بيبقى أى سبب .. أى كلام يعنى أى حجج فاضية اللى يقولى أصل مزاج و للى يقول هموم الدنيا و اللى يقول ده من صغرى و اللى يقولى وراثة أى تهييس وراثة السجاير بقت وراثة ههههه المهم الغريب بأة 
إن كتير من الشباب و الكبار فاكرينها سمة من سمات الرجولة لحد دلوقتى مش قادر أعرف إيه العلاقة يعنى مثلا اللى مش بيشربها مش راجل سوري يعني  انا اعرف ناس كتير مش بتقربلها و ارجل الناس شفتها فى حياتى الحكاية كلها من وجهت نظرى إن السجاير و الشيشة و الحاجات دى نتيجة مرض ثقافى مرض فكرى عادات و افكار ثقافية غريبة بتنتشر بتستمر لفترات طويلة بتسيب أثر فينا طبعا اثر كبير مش بنعرف حجمه إلا بعد أما يعلـِّمنا بعلامة مميزة على قفانا ده غير بأة الموضة اه و الله موضة بنات بتشرب السجاير كتير ومنتشرة اوى كمان يعنى ممكن كام سنة كدة تلاقى ولد ماشى مع مامته وراجل معدى مش لاقى كبريت الراجل : معاكى ولاعة يا مدام؟ طب ولعيلى لو سمحت هههههههه .
ده غير بأة حكاية الشيشة ما علينا و نسمع بأة عبارات و جمل و نعملها أقوال مأثورة و يبقى مثل و قدوة كبيرة فى عينينا يعنى واحد عنده سرطان الرئة و قاعد فى المستشفى بيشرب السجاير.. و الدكتور يقوله لسـَّة برضو ما حرمتش يقوم رادد بكل سذاجة : طب ما خلاص يعنى هيجيلى إيه اكتر من السرطان .
و لما تقول للناس دى اهم سبب فى موت الفجأة يقولك الأقدار بيد الله طب بذمتك مش بتضحك دلوقتى يعنى ما انت عارف إن الأقدار بيد الله و انت صحتك دى مش بإيد ربنا مش هو اللى اداهالك و قالك تحافظ عليها و تحميها من الأضرار و تاخد بالأسباب فى إنك تعالجها . .  وتعالى بأة للرجولة لما انت مش قادر تسيب حتة سيجارة بتبهدل صحتك بتخلى ريحتك وريحة بؤك زبالة و بتخنق أى حد معاك وبتكرّه احب الناس ليك و بتضر مراتك و ولادك كل ده فى مقابل كام نفس يبقى مين الراجل فينا بص مش هقولك سيبها او ارميها . . لأ فكر تانى فى كلامك انت اه الكلام اللى جواك ده  وخليك قدوة لغيرك فى إنك قدرت تتغلب عليها هتبقى انت الدليل على إن غيرك و غيره و غيره يقدر يسيبها و التجارب كتير اسأل و هتعرف الملايين من النوعين اللى سابها من زمان و اللى لحد دلوقتى بيعانى من ضررها و مش قادر يسترجل و يرميها بص خلاص كدة كفاية سجاير وشيشة هه و حشيش و بانجو و مخدرات و الكلام ده كله اصل هنلاقى كام حد ( خفيف ) يقولك انا بطلت السجاير و الحمد لله ربنا عافانى منها دي مضرة و بتتعبنى و يقوم قايل خلاص بقيت اشيش بس هههههه 
معلومة صغننة - الشيشة ازبل مليون مرة - سوري فى اللفظ - من السجاير ربنا يعافينا من اصحاب السوء من التقليد من التجربة اللى مش لذيذة و إن شاء الله نبقى دايما ماشين مظبوط وعلشان خاطر ربنا . . فكر تانى فى الكلام ده وبلاش سجاير

إرسال تعليق

0 تعليقات